शिवसेनेला सोलापुरात मोठा धक्का ! चारही जिल्हाप्रमुखांचा महाराष्ट्र स्वराज्य पक्षात प्रवेश…

सोलापूर

गेल्या अनेक दिवसांपासून शहर मध्यच्या जागेवरून शिवसैनिकांमध्ये प्रचंड रोष होता . वास्तविक शहर मध्यची जागा ही शिवसेनेला सुटणार जवळपास निश्चित झाले असताना शिवसेनेतील अंतर्गत वादामुळे ती जागा भाजपच्या वाट्याला आली. शिवसेनेचे चारही जिल्हाप्रमुख मुख्यमंत्री एकनाथ शिंदे यांच्याकडे शहर मध्यच्या जागेवरून तटस्थ होते.मात्र पक्ष श्रेष्ठींकडून कोणतीही दखल घेतली गेली नाही. त्यामुळे शिवसैनिकांमध्ये प्रचंड नाराज होती. मुख्यमंत्री एकनाथ शिंदे यांचे कट्टर निकटवर्तीय मानले जाणारे समर्थक जिल्हाप्रमुख अमोल शिंदे , मनीष काळजे ,उमेश गायकवाड शहरप्रमुख मनोज शेजवाळ यांनी अखेर शिवसेनेला जय महाराष्ट्र करत महाराष्ट्र स्वराज पक्षाचे पक्षप्रमुख छत्रपती खा.संभाजी राजे भोसले यांच्या प्रमुख उपस्थितीत महाराष्ट्र स्वराज पक्षात प्रवेश केला . या पक्ष प्रवेशामुळे राजकीय वर्तुळात एकच खळबळ उडाली.तर शिवसैनिकांमध्ये कोणता झेंडा घेऊ हाती ? अशी परिस्थिती निर्माण झाली आहे. छत्रपती खासदार संभाजी राजे भोसले यांनी सोमवारी याबाबत पत्रकार परिषद पक्ष प्रवेशा बद्दल सविस्तर माहिती दिली. आता विधानसभा निवडणुकीच्या अनुषंगाने घडामोडींना चांगलाच वेग आला आहे.सोलापूर मध्ये महाराष्ट्र स्वराज पक्ष निवडणुकीच्या रिंगणात उतरणार आहे .शहर उत्तर अमोल  शिंदे, शहर मध्य मनीष काळजे, दक्षिण मधून उमेश गायकवाड उमेदवारी अर्ज दाखल करणार आहे .तिघांना ही AB फॉर्म मिळाला असून उद्या ते आपला उमेदवारी अर्ज दाखल करतील अशी माहिती मनोज शेजवाळ यांनी माध्यमांना दिली.