दत्त नगर श्रीदत्त देवस्थान श्री शिवमहेश्वरी देवी नवरात्र महोत्सव नूतन पदाधिकारी निवड – धार्मिक व सामाजिक उपक्रमांची परंपरा कायम…
सोलापूर :
दत्त नगर श्रीदत्त देवस्थान संचालित श्री शिवमहेश्वरी देवी मंदिर, दत्त नगर येथे नवरात्र महोत्सवासाठी सन 2025-2026 या कालावधीतील नूतन पदाधिकाऱ्यांची निवड अत्यंत उत्साहात पार पडली. दरवर्षीप्रमाणे यंदाही मंदिर समितीने पारदर्शकतेने व एकमुखाने पदाधिकाऱ्यांची निवड केली असून, आगामी वर्षभर धार्मिक व समाजोपयोगी उपक्रमांच्या माध्यमातून भक्तांना व नागरिकांना एकत्र आणण्याचा संकल्प करण्यात आला आहे.
निवड प्रक्रियेत उत्सव अध्यक्ष म्हणून मनोज चव्हाण यांची निवड झाली असून, सचिवपदी नागेश म्याकल, कार्याध्यक्षपदी बाबू बंधारम, तर खजिनदारपदी ब्रुंदा वडलाकोंडा यांची निवड करण्यात आली. उपाध्यक्षपदी अशोक वासी व वैभव येमूल, तर सहसचिवपदी शुभम बल्ला, गणेश जोगू व विजय मादगुंडी यांची जबाबदारी निश्चित करण्यात आली.
मिरवणूक प्रमुख म्हणून बाळू कोठा व सूरज सोनसाळे हे जबाबदारी सांभाळणार असून, प्रसिद्धी प्रमुख म्हणून रोहन श्रीराम यांच्यावर कार्यभार सोपविण्यात आला आहे. सहमिरवणूक प्रमुख राजेश कैरमकोंडा, पूजा प्रमुख अंबादास वडलाकोंडा व सतीश क्यातम, तर आरती प्रमुख म्हणून अंबादास वासी व रमेश बंडा यांची निवड झाली आहे. याशिवाय सह मिरवणूक प्रमुखपदी विशाल अंकम, नरेश दिकोंडा व मोहित कामुनी यांची निवड करण्यात आली आहे.
दत्त नगर श्रीदत्त देवस्थान श्री शिवमहेश्वरी देवी मंदिर हे परिसरातील श्रद्धेचे व सामाजिक बांधिलकीचे केंद्र मानले जाते. मंदिर समिती वर्षभरात विविध धार्मिक उत्सव, आरती, पूजाविधी, सामूहिक कार्यक्रमांसह समाजोपयोगी उपक्रमांचे आयोजन करत असते. यामध्ये सामाजिक ऐक्य, भक्तीभाव जागविणे, तसेच तरुणाईला धार्मिक व सांस्कृतिक वारसा जपण्यासाठी प्रोत्साहित करण्याचे कार्य केले जाते.
यंदाच्या नवरात्र महोत्सवात विविध सांस्कृतिक कार्यक्रम, देवीची आराधना, मिरवणुका आणि समाजोपयोगी उपक्रम यांची रेलचेल राहणार असून, नव्या पदाधिकाऱ्यांच्या निवडीमुळे मंदिर समितीला नवा उत्साह लाभला आहे. दत्त नगरातील नागरिक व भक्तांमध्येही या निवडीबाबत समाधान व आनंद व्यक्त केला जात आहे.
