स्व. विष्णूपंत तात्यासाहेब कोठे प्रतिष्ठानतर्फे मुख्यमंत्री देवेंद्र फडणवीस यांच्या वाढदिवसानिमित्त ५६ हजार वह्या वाटप उपक्रमाचा शुभारंभ

सोलापूर : प्रतिनिधी

स्व. विष्णुपंत तात्यासाहेब कोठे प्रतिष्ठानच्यावतीने मुख्यमंत्री देवेंद्र फडणवीस यांच्या ५६ व्या वाढदिवसानिमित्त ५६ हजार वह्यांच्या वाटपाचा शुभारंभ सोमवारी करण्यात आला. वसंतराव नाईक हायस्कूल व समता मराठी विद्यालयात हा कार्यक्रम झाला.

याप्रसंगी व्यासपीठावर आमदार देवेंद्र कोठे, भाजपच्या शहराध्यक्षा रोहिणी तडवळकर, महिला व बालकल्याण समितीच्या सभापती निर्मला जंगम, नगरसेवक रवी कैय्यावाले, भारतसिंग बडूरवाले, नगरसेविका श्वेता खांडेकर, माजी सभागृह नेते देवेंद्र भंडारे, माजी नगरसेवक जेम्स जंगम, माजी नगरसेवक गुरुशांत धुत्तरगावकर, मंडल अध्यक्ष नागेश सरगम, लोधी समाज अध्यक्ष भगतसिंग कल्लावाले, अक्षय वाकसे, रणजितसिंग दवेवाले, अविनाश बेंजरपे, अनंत गोडलोलू, हरीश जंगम, ओंकार होमकर, सुरज विटे, घनश्यामसिंग शिवसिंगवाले, अर्जुन नामदास, अक्षय शिवसिंगवाले, मोहन बाडिवाले, राहुल म्हेत्रे, मागास समाज सेवा मंडळ, नेहरूनगर संचलित संस्थेचे अध्यक्ष सुभाष चव्हाण, मुख्याध्यापक कार्तिक चव्हाण, पर्यवेक्षक युवराज पारधे उपस्थित होते.

भाजपा शहराध्यक्षा रोहिणी तडवळकर म्हणाल्या, मुख्यमंत्री देवेंद्र फडणवीस यांच्या वाढदिवसानिमित्त अनावश्यक खर्च करण्यापेक्षा आमदार देवेंद्र कोठे यांनी स्व. विष्णूपंत तात्यासाहेब कोठे प्रतिष्ठानतर्फे ५६ हजार वाटप करण्यास प्रारंभ करून समाजाप्रतीची संवेदनशीलता पुन्हा एकदा दाखवून दिली आहे. लोकप्रतिनिधी कसा असावा याचे आमदार देवेंद्र कोठे हे उत्तम उदाहरण आहेत. आमदार देवेंद्र कोठे हे नागरिकांच्या सोयीसुविधांसाठी कायम तत्पर असतात. मुख्यमंत्री देवेंद्र फडणवीस यांचे ते लाडके असून पालकमंत्री जयकुमार गोरे यांचेदेखील त्यांच्यावर विशेष लक्ष आहे, असे रोहिणी तडवळकर यांनी सांगितले. सोलापूर शहरासाठी शासनाच्या विविध योजना, निधी, मदत मिळवण्यामध्ये आमदार देवेंद्र कोठे यांचा सिंहाचा वाटा आहे. बी टू सारखा सुमारे ८० वर्षापासूनचा अत्यंत जटिल प्रश्न आमदार देवेंद्र कोठे यांनी शासन दरबारी पाठपुरावा करून सोडविल्यामुळे खुद्द महसूल मंत्री चंद्रशेखर बावनकुळे यांनीही त्यांचे कौतुक केले आहे. सोलापूर शहरातील झोपडपट्ट्यांचे निर्मूलन करून नागरिकांना त्यांच्या स्वतःच्या हक्काच्या घरात राहता यावे यासाठी आमदार देवेंद्र कोठे प्रयत्नशील आहेत. मागील तीन वर्षांपासून सोलापुरातील अनेक शाळांमध्ये हजारो मुलांना वह्या वाटून त्यांनी मुख्यमंत्री देवेंद्र फडणवीस यांचा वाढदिवस सामाजिक जाणीव ठेवून साजरा केला आहे, असेही भाजपा शहराध्यक्षा रोहिणी तडवळकर यांनी सांगितले.

आमदार देवेंद्र कोठे म्हणाले, आपल्या नेत्याच्या वाढदिवसानिमित्त अनावश्यक खर्च करण्यापेक्षा समाजातील गोरगरीब, होतकरू, गरजू विद्यार्थ्यांच्या शिक्षणासाठी मदत करता येणे याचे समाधान वेगळे आहे. या उपक्रमातून प्रेरणा घेऊन राजकीय तसेच सामाजिक क्षेत्रात काम करणाऱ्या सर्वांनीच समाजातील गरजूंना मदत करून आपल्या तसेच आपल्या नेत्यांचे वाढदिवस साजरे करणे यातच या उपक्रमाचे यश आहे. मुलांनी शिकून मोठे व्हावे आणि स्वतः कमावते झाल्यानंतर समाजातील गरजू आणि होतकरू मुलांच्या शिक्षणासाठी मदत करावी यातूनच हे मदतीचे पर्यायाने समाज सुधारणेचे चक्र चालत राहणार आहे, असेही आमदार देवेंद्र कोठे यांनी सांगितले.

या उपक्रमाच्या यशस्वी आयोजनासाठी प्रतिष्ठानचे अभिषेक चिंता, अंबादास सकीनाल, त्रिमूर्ती बल्ला, पवन खांडेकर, ओंकार राजगे, अभिषेक बोल्ली, नागेश म्हेत्रे, सागर बल्ला, उदयराज गुलापल्ली, अमर शिंदे, लकी दिवेकर तसेच सर्व सहकाऱ्यांनी विशेष परिश्रम घेतले.
——-
चौकट
पुढील दोन दिवसात ड्रेनेजची लाईन

मुख्यमंत्री देवेंद्र फडणवीस यांच्या वाढदिवसानिमित्त 56 हजार वह्या वाटपाच्या शुभारंभ कार्यक्रमासाठी आमदार देवेंद्र कोठे हे वसंतराव नाईक हायस्कूलमध्ये येत असतानाच शाळेच्या प्रवेशद्वारात त्यांना फुटलेल्या पाईपमधून सांडपाणी वाहताना दिसले. त्यावेळी आमदार देवेंद्र कोठे यांनी संबंधितांना पुढील दोन दिवसात या ठिकाणी ड्रेनेजची पाईपलाईन टाकण्याच्या सूचना दिल्या. आमदार देवेंद्र कोठे यांच्या कार्यतत्परतेचे भाजपच्या शहराध्यक्षा रोहिणी तडवळकर यांनीही आपल्या भाषणातून कौतुक केले.