बांधकाम कामगार शिष्यवृत्ती अपहार प्रकरणी अटकपूर्व जामीन अर्ज दाखल:-अॅड. शशी कुलकर्णी…
सोलापूर
येथील सहाय्यक कामगार आयुक्त कार्यालय यांनी बांधकाम कामगार शिष्यवृत्ती घोटाळा प्रकारणी दाखल असलेल्या गुन्ह्यातील एक आरोपी आर. एस. मुसळे रा- दमाणी नगर, सोलापूर यांनी सोलापूर येथील सत्र न्यायालयामध्ये अटकपूर्व जामीन अर्ज दाखल केलेला आहे. यात थोडक्यात हकीकत की, बांधकाम कामगारांच्या मुलासाठी असलेल्या विविध शैक्षणिक योजनेमध्ये बनावट बोनाफाईड, शैक्षणिक कागदपत्रे सादर करून शासनाची रक्कम रुपये ३ कोटी ६३ लाख २० हजारांची फसवणूक केल्याप्रकरणी सहाय्यक कामगार आयुक्त कार्यालयाने दि. ०४/०३/२०२६ गुन्हा रजिस्टर नंबर २५०/२०२६ अन्वये फौजदार चावडी पोलीस स्टेशन येथे दुकाने निरीक्षक (सुविधाकार), कंत्राटी कर्मचारी, दलाल आणि शिष्यवृत्ती लाभार्थी अशा एकूण २० जणांविरुद्ध गुन्हा दाखल केलेला आहे.
सदर गुन्ह्यामध्ये अटकेची शक्यता निर्माण झाल्यामुळे प्रकरणातील आरोपी आर. एस. मुसळे यांनी ॲड. शशि कुलकर्णी यांचे मार्फत सोलापूर येथील जिल्हा व सत्र न्यायालयामध्ये अटकपूर्व जामीन अर्ज दाखल केलेला असून त्यामध्ये सदर गुन्हाशी आरोपीचा संबंध नाही, कोणतीही खोटी कागदपत्रे आरोपीने दाखल केली नाहीत, कोणत्याही रकमेचा अपहार केला नाही व आरोपी कोणत्याही प्रकारे लाभार्थी नाही. असे महत्त्वपूर्ण मुद्दे अर्जामध्ये नमूद आहेत.त्याची प्राथमिक सुनावणी दि.११/०३/२०२६ रोजी सत्र न्यायालयासमोर होणार आहे.
सदरकामी आरोपीतर्फे अॅड. शशी कुलकर्णी, ॲड.गुरुदत्त बोरगांवकर, अॅड. प्रसाद अग्निहोत्री ॲड. रणजित चौधरी हे काम पाहत आहेत.
फौजदारी जमीन अर्ज क्रमांक:-१७६/२०२६
