फौजदार चावडी पोलिसांची मोठी कारवाई : १३ मोबाईल जप्त, गुन्ह्याचा पर्दाफाश…

सोलापूर (प्रतिनिधी)

फौजदार चावडी पोलीस ठाणे, सोलापूर शहर यांच्या पथकाने मोबाईल चोरी प्रकरणात मोठी कारवाई करत तब्बल १३ विविध कंपन्यांचे अँड्रॉइड मोबाईल हस्तगत केले आहेत. जप्त करण्यात आलेल्या मोबाईलची एकूण किंमत अंदाजे २,४५,००० रुपये इतकी असून ही कामगिरी गुप्त माहितीच्या आधारे व तांत्रिक तपासाच्या मदतीने करण्यात आली आहे.
याबाबत मिळालेल्या माहितीनुसार, मोबाईल हरवल्याची तक्रार दाखल झाल्यानंतर वरिष्ठ पोलीस निरीक्षक महादेव राऊत यांच्या मार्गदर्शनाखाली तपास पथकाने शोध मोहीम हाती घेतली. पोलीस उपनिरीक्षक संजय हिरासागर यांच्या नेतृत्वाखालील पथकाने तांत्रिक विश्लेषण, आयएमईआय नंबर ट्रॅकिंग व गुप्त बातमीदारांच्या मदतीने संशयितांपर्यंत पोहोचून मोबाईल जप्त केले.

जप्त करण्यात आलेले मोबाईल सोलापूर शहर व परिसरातून चोरीस गेले होते. पोलिसांनी ते परत मिळवून संबंधित तक्रारदारांना सुपूर्द केले आहेत. त्यामुळे नागरिकांमध्ये पोलिसांविषयी विश्वास वाढला असून या कारवाईचे सर्वत्र कौतुक होत आहे.

ही कारवाई पोलीस आयुक्त एम. राजकुमार, पोलीस उपायुक्त (परिमंडळ-२) विजय ढमाले, सहाय्यक पोलीस आयुक्त यांच्या मार्गदर्शनाखाली करण्यात आली. तपास पथकात पोलीस उपनिरीक्षक संजय हिरासागर यांच्यासह पोलीस अंमलदार व कर्मचारी यांचा समावेश होता.
फौजदार चावडी पोलिसांनी केलेल्या या उल्लेखनीय कामगिरीमुळे शहरातील गुन्हेगारीवर आळा बसण्यास मदत होणार असल्याचे मत व्यक्त केले जात आहे.

कामगिरी ही मा. पोलीस आयुक्त श्री.एम. राजकुमार साो, पोलीस उपआयुक्त (परिमंडळ) श्रओ.विजय कबाडे, मा. सहा. पोलीस आयुक्त विभाग-१, प्रताप पोमण, वपोनि श्री. महादेव राऊत, दुपोनि तानाजी दराडे यांच्या मार्गदर्शनाखाली गुन्हे प्रकटीकरण पथकाचे प्रमुख सहाय्यक पोलीस निरीक्षक संजय क्षिरसागर, पोह/बसवेश्वर परीट, पोना/शिवानंद भिमदे, पोकों/सुधाकर माने, पोकों/पंकज घाडगे, पोकों/शशिकांत दराडे, पोकों/विनोद व्हटकर, पोकों/अर्जुन गायकवाड, पोकों/अजय चव्हाण, पोकों/सुरज सोनवलकर, पोकों/अतिश पाटील, पोकों/कृष्णा बडुरे, पोकों/रवि धेंडे, पोकों/तोसिफ शेख, पोकों/नितीन मोरे, पोकों/विनोदकुमार पुजारी, पोकॉ/अमोल खरटमल, पोकों/विनायक जाधव, पोकों/ज्ञानेश्वर गायकवाड, यांनी यशस्वीपणे पार पाडली..