ईच्छा भगवंताची नवरात्र महोत्सव मंडळाचा दुष्काळग्रस्त शेतकऱ्यांना २ लाख ५१ हजारांचा मदतीचा हात !
पालकमंत्री जयकुमार भाऊ गोरे यांच्या आवाहनाला प्रतिसाद; दीर्घायुष्यासाठी ग्रामदैवता रूपाभवानी मंदिरात अभिषेक व महाआरती, दुष्काळाचे सावट दूर होण्यासाठी देवीचरणी साकडे
सोलापूर :
राज्यातील दुष्काळग्रस्त शेतकऱ्यांच्या मदतीसाठी ईच्छा भगवंताची नवरात्र महोत्सव मंडळाच्या वतीने २ लाख ५१ हजार रुपयांचा धनादेश जिल्हाधिकारी एस. कार्तिकेयन यांच्याकडे सुपूर्द करण्यात आला. महाराष्ट्राचे ग्रामविकास मंत्री तथा सोलापूरचे पालकमंत्री जयकुमार भाऊ गोरे यांच्या ५१ व्या वाढदिवसानिमित्त हा सामाजिक उपक्रम राबविण्यात आला. राज्यातील दुष्काळी परिस्थितीचे गांभीर्य लक्षात घेऊन पालकमंत्री जयकुमार भाऊ गोरे यांनी वाढदिवसानिमित्त जाहिरातबाजी, बॅनरबाजी आणि अनावश्यक खर्च टाळण्याचे आवाहन केले होते. वाढदिवस मोठ्या प्रमाणात साजरा करण्याऐवजी दुष्काळग्रस्त शेतकऱ्यांच्या मदतीसाठी पुढे यावे, शेतकऱ्यांच्या पाठीशी खंबीरपणे उभे राहावे आणि मदतीच्या माध्यमातूनच वाढदिवसाच्या शुभेच्छा द्याव्यात, असे आवाहन त्यांनी हितचिंतक व कार्यकर्त्यांना केले होते. या आवाहनाला प्रतिसाद देत मंडळाने शेतकऱ्यांसाठी मदतीचा हात पुढे केला. यावेळी आमदार सचिन दादा कल्याणशेट्टी म्हणाले, मुख्यमंत्री देवेंद्र फडणवीस साहेब यांच्या नेतृत्वाखालील महायुती सरकार शेतकऱ्यांच्या पाठीशी खंबीरपणे उभे आहे.
दुष्काळग्रस्त शेतकऱ्यांच्या मदतीसाठी ईच्छा भगवंताची नवरात्र महोत्सव मंडळाने घेतलेला पुढाकार प्रेरणादायी असून, मंडळाचे सामाजिक कार्य कौतुकास्पद आहे. भाजपा नगरसेवक किसन जाधव म्हणाले, राज्यात दुष्काळी परिस्थिती जाहीर झाली असून महायुती सरकार शेतकऱ्यांच्या मदतीसाठी खंबीरपणे उभे आहे पालकमंत्री जयकुमार भाऊ गोरे यांनी वाढदिवसानिमित्त अनावश्यक खर्च टाळून दुष्काळग्रस्त शेतकऱ्यांना मदत करण्याचे आवाहन केले होते. त्याला प्रतिसाद देत ईच्छा भगवंताची परिवाराचे संस्थापक तथा आधारस्तंभ लक्ष्मण मामा जाधव, माजी नगरसेवक नागेश अण्णा गायकवाड, नगरसेविका सौ अंबिका नागेश अण्णा गायकवाड, अॅड. अनिल जाधव यांच्या मार्गदर्शनाने आणि सोलापूर शहर मध्यचे दमदार युवा आमदार देवेंद्रदादा कोठे यांच्या प्रेरणादायी नेतृत्वाने, पाणीदार आमदार सचिन दादा कल्याणशेट्टी यांच्या उपस्थितीत शेतकऱ्यांसाठी २ लाख ५१ हजार रुपयांचा धनादेश सुपूर्द केला.
याप्रसंगी महापौर विनायकदादा कोंड्याल, भाजपा शहर जिल्हाध्यक्ष शशिकांत नाना चव्हाण, नगरसेविका सौ चैत्रालीताई शिवराज गायकवाड, सामाजिक कार्यकर्ते शिवराज गायकवाड, युवा नेते चेतन नागेश अण्णा गायकवाड आदींची उपस्थिती होती. ईच्छा भगवंताची नवरात्र महोत्सव मंडळाचा हा उपक्रम शेतकऱ्यांना दिलासा देणारा आहे. दरम्यान, पालकमंत्री जयकुमार भाऊ गोरे यांना दीर्घायुष्य लाभावे आणि राज्यातील दुष्काळी परिस्थितीचे लवकरात लवकर निवारण व्हावे, यासाठी किसन जाधव यांनी सोलापूरची ग्रामदैवता कुलस्वामिनी श्री रूपाभवानी मंदिरात अभिषेक व महाआरती करून देवीचरणी साकडे घातले. याप्रसंगी नगरसेविका चैत्राली शिवराज गायकवाड, सामाजिक कार्यकर्ते शिवराज गायकवाड, श्रीकांत गिड्डे, वसंत कांबळे, माणिक कांबळे, महादेव राठोड, सागर गायकवाड, संजय राजपूत, नागराज गायकवाड, यल्लाप्पा शिवपुरे आदींची उपस्थिती होती यावेळी किसन जाधव यांनी राज्यात सुख-शांती नांदावी आणि शेतकऱ्यांवरील संकट दूर व्हावे, अशी प्रार्थनाही त्यांनी केली.
