गद्दार अजय दासरीची पक्षातून हकालपट्टी करा 

सोलापूर :

शिवसेना उद्धव बाळासाहेब ठाकरे पक्षाच्या वतीने बुधवार 22 एप्रिल रोजी पत्रकार परिषद घेत माजी जिल्हाप्रमुख अजय दासरी यांची पक्षातून हकालपट्टी करण्याची मागणी पक्षप्रमुख उद्धव ठाकरे यांच्या कडे करण्यात आली.

अजय दासरी यांनी मंगळवारी पत्रकार परिषद घेत शिवसेना उबाठाच्या सोलापूर जिल्हा संपर्कप्रमुख सुषमा अंधारे यांच्यावर तीव्र शब्दात टीका केली होती. त्याचा निषेध पत्रकार परिषदेत करण्यात आला. तसेच महिला असूनही सोलापूर शहर व जिल्ह्यात धडाडीने काम करणाऱ्या सुषमा अंधारे यांच्यावर आपल्या बगलबच्चांना सोबत घेत विनाकारण टीका करत असल्याचा आरोप शिवसेनेचे नूतन जिल्हाप्रमुख प्रताप चव्हाण, धनंजय डिकोळे आदींनी केला.

नूतन जिल्हाप्रमुख प्रताप चव्हाण, जिल्हाप्रमुख धनंजय डिकोळे, सोलापूर महानगर प्रमुख महेश धाराशिवकर आदींनी केला.

अजय दासरी यांनी वारंवार मानाची पदे मिळूनही पक्ष वाढवण्याचे काम करण्याऐवजी पक्षातील सर्वसामान्य पदाधिकाऱ्यांना अन्य नेत्यांविरोधात काम करण्यास प्रवृत्त केले. लोकसभा निवडणुकीत गैरव्यवहार करून पक्षाची प्रतिमा मलीन केली. मागील महापालिका निवडणूकीत पक्षाचे 21 नगरसेवक निवडून आले होते. मात्र यंदा एकही नगरसेवक त्यांना निवडून आणता आला नाही. याचे मूळ कारण त्यांनी विरोधी पक्ष तसेच महाविकास आघाडीतील अन्य पक्ष्यांशी संगणमत करून आपल्या पक्षाच्या उमेदवारांना पराभूत करण्याचे काम केले. सातत्याने पक्षविरोधी भूमिका घेणारा, पक्षाशी गद्दारी करणारा तसेच वरिष्ठ नेत्यांना टिकेचे लक्ष करणारा हा नेता पक्षात नको. पक्षप्रमुख उद्धव ठाकरे यांनी त्याची पक्षातून हकालपट्टी करावी, अशी मागणी यावेळी जिल्हाप्रमुख प्रताप चव्हाण जिल्हाप्रमुख धनंजय डिकोळे व सोलापूर महानगर प्रमुख महेश धाराशिवकर यांनी केली.

पत्रकार परिषदेला जिल्हाप्रमुख संभाजी शिंदे, जिल्हाप्रमुख शरण राज केंगनाळकर, जिल्हाप्रमुख प्रवीण काकडे, लोकसभा प्रमुख हुकूमचंद्र राठोड, लोकसभा प्रमुख संजय पौळ, महिला आघाडी जिल्हा संघटिका मंगला थोरात, महिला आघाडी जिल्हा संघटिका प्रिया बसवंती आधीच अन्य पदाधिकारी व शिवसैनिक मोठ्या संख्येने उपस्थित होते.