खंडोबाची नवरात्री’ आणि ‘देवदिवाळी’ झाल्यानंतर बाळे येथे चंपाषष्ठी अथवा मार्तंडभैरव षष्ठीस प्रारंभ..

मार्गशीर्ष महिन्यातील षष्ठी ही चंपाषष्ठी अथवा मार्तंडभैरव षष्ठी म्हणून सर्वत्र साजरी होते. मार्गशीर्ष महिन्याला शुक्रवार (दि. २१ )पासून प्रारंभ झाला. याच दिवसापासून मार्तंडभैरव षड‌्यात्रोत्सवासही प्रारंभ झाला.

या मासाचा पहिला दिवस ‘खंडोबाची नवरात्री’ आणि ‘देवदिवाळी’ म्हणून साजरा झाल्यानंतर सहा दिवसांच्या षड‌्रात्री उत्सवाचा समारोप बुधवार (दि. २६) चंपाषष्ठीला खंडोबा पूजनाने झाली आहे. ज्या परिवारांमध्ये खंडोबा कुलदैवत आहे तिथे चंपाषष्ठीनिमित्त कुलाचार-कुलधर्म करण्याची परंपरा असते. तत्पूर्वी पाच दिवस अनेक घरांमधील सदस्य उपवास करतात. सहाव्या दिवशी खंडोबाची षोडशोपचार पूजा करून महानैवेद्य दाखवला जातो. देव्हाऱ्यात अखंड नंदादीप लावला जातो.

खंडोबा मंदिरात तसेच शहर व परिसरातील खंडोबा मंदिरांत उत्सव साजरा होतो. चंपाषष्ठीला खंडोबाची नवरात्र म्हणूनही ओळखले जाते. मल्हारी मार्तंड हा भगवान शंकराच्या अवतारापैकी एक आहे. हा सण प्रामुख्याने महाराष्ट्र आणि कर्नाटकात साजरा केला जातो. घरोघरी मार्तंड भैरवाची म्हणजे मल्हारी मार्तंड देवतेची विधिवत पूजा करून भंडारा उधळत तळी उचलण्याचा विधी केला जातो.

चंपाषष्ठीचे महत्त्व
भगवान खंडोबाच्या मल्ल आणि मणि या दोन राक्षसांवर झालेल्या विजयाचे स्मरण म्हणून चंपाषष्ठी साजरी करतात. या राक्षसांचा पराभव करण्यासाठी भगवान शंकराने मार्तंड भैरवाचे रूप घेतल्याचे पुराणात सांगितले जाते. हे युद्ध अवघ्या सहा दिवसांतच संपले. याच दिवशी मार्गशीर्ष महिन्यातील षष्ठी तिथी होती. हा दिवस वाईटावर विजय म्हणून साजरा केला जातो.

चंपाषष्ठी पूजा विधी
मार्गशीर्ष महिन्यातील शुक्ल पक्षातील प्रतिपदा ते षष्ठी तिथीपर्यंत हा उत्सव सुरू असतो. या सहा दिवसांत मार्तंडदेवाजवळ नऊ तेलाचे दिवे लावले जातात. तसेच विधिवत खंडोबाची पूजा करून आरती म्हटली जाते. चंपाषष्ठीच्या दिवशी धान्यांचे पीठ (ठोंबारा) गव्हाचा रोडगा आणि वांग्याचे भरीत नैवेद्य म्हणून अर्पण केले जाते. काही परिवारात प्रथेनुसार पुरणपोळी किंवा श्रीखंडाचाही नैवद्य दाखवला जातो. तसेच दिवे ओवाळणीची देखील पद्धत आहे.
यात्रेच्या पुढील प्रत्येक रविवारी सायं श्री ची पालखी,घोडा, नंदीध्वज याचा सह मिरवणूक निघते. मार्गशीर्ष महिन्याच्या प्रत्येक रविवारी यात्रा भरणार असून ३०/११/२०२५ ,७/१२/२००२५,१४/१२/२०२५या तीन रविवारचा समावेश आहे.

यात्रा काळात मंदिर समिती कढून गाभारा व सभा मंडपामध्ये आकर्षक अशी फुलाची सजावट करण्यात आली आहे.भाविकांना अन्नदान प्रसाद,दर्शनासाठी मुख दर्शन व गाभारा दर्शन रांग , कमांडो फोर्स, सुरक्षेच्या दृष्टीने सी सी टी व्ही कॅमेरा, पिण्याच्या पाण्याची सोय करण्यात आली आहे.
सोलापूर महानगपालिके काढून मंदिर परिसर मध्ये आरोग्याच्या दृष्टीने औषध फवारणी, साफ सफाई, पालखी मार्ग व परिसरात अतिरिक्त पथ दिवे, बसेस,फिरते सौचालय ची व्यवस्था करण्यात आली आहे.
पोलिस आयुक्त यांच्या कडून चोख पोलिस बंदोबस्त ठेवण्यात आला आहे.

ससनेह निमंत्रण…ससनेह निमंत्रण…ससनेह निमंत्रण

स्वर्गीय विष्णुपंत कोठे प्रतिष्ठानच्या वतीने मोफत सर्वधर्मीय सामुदायिक विवाह सोहळ्याचे आयोजन करण्यात आले आहे. यंदाचे हे दुसरे वर्ष असून बुधवार दिनांक 26 नोव्हेंबर 2025 रोजी संध्याकाळी 05 वाजून 42 मिनिटे या गोरज मुहूर्तावर हा विवाह सोहळा पार पडणार आहे. तरी नववधूवरांना शुभाशीर्वाद देण्यासाठी आपण अगत्य येण्याचे करावे असे आवाहन प्रतिष्ठानचे संस्थापक, आमदार देवेंद्र दादा कोठे यांनी केले आहे.

स्थळ – स्वर्गीय खासदार लिंगराज वल्याळ क्रीडांगण, कर्णिक नगर जवळ, सोलापूर

अक्षता वेळेवर संपन्न होणार असल्याने सर्वांनी किमान 15 मिनिटे आधी मांडवात येऊन स्थानापन्न व्हावे ही विनंती.