दमदार युवा आमदार देवेंद्रदादांच्या दीर्घायुष्यासाठी ग्रामदैवत श्री सिद्धरामेश्वर चरणी साकडे
रुद्राभिषेक व महाआरतीनंतर अन्नदान सेवेसाठी धान्य देत ‘ईच्छा भगवंताची’ मित्र परिवाराकडून वाढदिवसाच्या शुभेच्छा
सोलापूर :(प्रतिनिधी )
सोलापूर शहर मध्य विधानसभा मतदारसंघाचे दमदार युवा आमदार देवेंद्रदादा कोठे यांच्या वाढदिवसानिमित्त त्यांच्या उत्तम आरोग्यासह दीर्घायुष्य आणि जनसेवेचे कार्य अखंड सुरू राहावे, यासाठी ‘ईच्छा भगवंताची’ मित्र परिवार तसेच प्रभाग क्रमांक २२ मधील भाजपा नगरसेवक, नगरसेविका, पदाधिकारी व कार्यकर्त्यांच्या वतीने ग्रामदैवत श्री शिवयोगी सिद्धरामेश्वर महाराज मंदिरात रुद्राभिषेक, विधिवत पूजा-अर्चा व महाआरती करण्यात आली. यावेळी श्री सिद्धरामेश्वर महाराजांच्या चरणी आमदार कोठे यांच्या दीर्घायुष्यासाठी साकडे घालण्यात आले. आमदार कोठे यांनी वाढदिवसानिमित्त पुष्पगुच्छ, हार, फेटा, शाल आदी सत्कार साहित्य न आणता अन्नदानासाठी धान्य व गरजू विद्यार्थ्यांना शैक्षणिक साहित्य देण्याचे आवाहन केले होते. या आवाहनाला प्रतिसाद देत १.२५ क्विंटल गहू, तांदूळ व अन्य अन्नधान्य अन्नदान सेवेसाठी देण्यात आले.
याप्रसंगी भाजपा नगरसेवक किसन जाधव, नगरसेविका चैत्रालीताई शिवराज गायकवाड, सामाजिक कार्यकर्ते शिवराज गायकवाड, युवा नेते चेतन नागेश अण्णा गायकवाड, श्रीमती लक्ष्मीताई नडगिरी, राधिकाताई खांबसकर, दिपालीताई हटकर, लक्ष्मीताई आठवले,रमेश चलवादी, श्रीकांत गिड्डे, उमेश जाधव, निखिल गंभीरे, माणिक कांबळे, महादेव राठोड, वैभव प्रचंडे, सुनील कांबळे, प्रतीक जाधव, हुलगप्पा शासम, फिरोज पठाण आदी उपस्थित होते. यावेळी किसन जाधव म्हणाले.
आमदार देवेंद्रदादा कोठे यांच्या विकासाभिमुख नेतृत्वामुळे सोलापूरच्या विकासाला गती मिळाली आहे. उद्योग, रोजगार, पायाभूत सुविधा आणि नागरिकांच्या प्रश्नांना प्राधान्य देत त्यांचे कार्य सुरू आहे. देव, धर्म, देश आणि विकासाचा विचार घेऊन त्यांचे कार्य अखंड सुरू राहावे, त्यांना उत्तम आरोग्य व दीर्घायुष्य लाभावे, यासाठी श्री सिद्धरामेश्वर महाराजांच्या चरणी प्रार्थना केली. त्यांच्या आवाहनाला प्रतिसाद देत अन्नदानासाठी धान्य देणे, हीच आमच्या लाडक्या नेत्याला वाढदिवसाची खरी शुभेच्छा आहे.
