सोलापूर – सोलापूर महानगरपालिकेच्या वतीने आज आयोजित करण्यात आलेल्या विशेष कार्यक्रमात विविध पदांवर नव्याने नियुक्त झालेल्या सेवकांना नियुक्ती आदेश प्रदान करण्यात आले. या कार्यक्रमात एकूण २७ सेवकांना नियुक्ती आदेश देण्यात आले. त्यामध्ये अनुकंपा तत्वाखाली २२ सेवकांचा समावेश असून लाड कमिटी अंतर्गत ५ सेवकांना नियुक्ती आदेश देण्यात आले.
कार्यक्रमात मा. आयुक्त डॉ. सचिन ओम्बासे यांच्या हस्ते नव्या कर्मचाऱ्यांना नियुक्ती आदेश देण्यात आले. या प्रसंगी अतिरिक्त आयुक्त रवि पवार, उपायुक्त आशिष लोकरे, सहाय्यक आयुक्त शशिकांत भोसले, कार्यालय अधीक्षक रजाक पेंडारी, जालिंदर पकाले तसेच सामान्य प्रशासन विभागातील अधिकारी व कर्मचारी उपस्थित होते.
आज ज्या सेवकांना नियुक्ती आदेश देण्यात आले त्यामध्ये –
लाड कमिटी अंतर्गत सफाई कामगार – ५
अनुकंपा तत्वाखाली मजूर – ६
शिपाई – २
कनिष्ठ श्रेणी लिपिक – ११
चावीवाला – १
स्टेनो टायपिस्ट – १
रखवालदार –१
याप्रमाणे एकूण २७ सेवकांचा समावेश आहे.
यावेळी महापालिकेचे आयुक्त डॉ. सचिन ओम्बासे यांनी सर्व नियुक्त झालेल्या कर्मचाऱ्यांचे हार्दिक अभिनंदन केले. तसेच त्यांनी आपल्या जबाबदाऱ्या प्रामाणिकपणे पार पाडत नागरिकांना चांगल्या प्रकारे सेवा देण्याच्या दृष्टीने काम करण्याच्या सूचना दिल्या.
सोलापूर महानगरपालिकेतर्फे घेतलेल्या या उपक्रमामुळे विविध पदांवर नव्या कर्मचाऱ्यांची भर पडून महानगरपालिकेच्या कामकाजाला अधिक गती मिळणार आहे.
