वीजपुरवठा खंडित प्रश्नावर माजी नगरसेवक गणेश पुजारींची विधानसभा उपाध्यक्ष आण्णासाहेब बनसोडे यांच्याकडे तक्रार…

⏰आप की बार ७५ पार⏰

सोलापूर

शहरातील सतत खंडित होणारा वीजपुरवठा, अनियमित दाब, वारंवार होणारी ट्रिपिंग आणि अचानक दिल्या जाणाऱ्या लोडशेडिंगमुळे नागरिक त्रस्त झाले आहेत. या गंभीर समस्येबाबत माजी नगरसेवक गणेश पुजारी यांनी नगरातील परिस्थितीची सविस्तर माहिती देत विधानसभा उपाध्यक्ष आण्णासाहेब बनसोडे यांच्याकडे औपचारिक तक्रार नोंदवली.

गणेश पुजारी यांनी सादर केलेल्या तक्रारीत शहरातील अनेक प्रभागांमध्ये दिवसा–दिवसा अचानक वीज जाणे,विजेच्या तारा व ट्रान्सफॉर्मर दुरुस्तीला लागणारा विलंब,व्यवसाय आणि विद्यार्थ्यांचे नुकसान,नागरी जीवन विस्कळीत होणे

या मुद्द्यांचा तपशीलवार उल्लेख करण्यात आला होता.

आण्णासाहेबांचा अधिकाऱ्यांना जाब – नागपूर येथे उच्चस्तरीय बैठक

तक्रार मिळाल्यानंतर आण्णासाहेब बनसोडे यांनी तत्काळ कारवाई करत नागपूर येथे विद्युत विभागाच्या वरिष्ठ अधिकाऱ्यांची तातडीची बैठक बोलावली.

या बैठकीत अधिकाऱ्यांना परिस्थितीची गंभीरता पटवून देताना आण्णासाहेबांनी स्पष्ट शब्दांत नाराजी व्यक्त केली.
त्यांनी अधिकाऱ्यांना प्रश्न विचारत सांगितले :

“सोलापूर शहरात वारंवार होणाऱ्या वीज खंडितमुळे जनता त्रस्त झाली आहे. दुरुस्ती वेळेत का होत नाही? लोडशेडिंगची पूर्वसूचना का दिली जात नाही? प्रशासन ढिसाळ पद्धतीने चालणार नाही. त्वरित सुधारणा दिसली पाहिजे.”

बैठकीत आण्णासाहेबांनी अधिकाऱ्यांना धारेवर धरत नागरिकांच्या समस्यांबाबत तातडीने उपाययोजना करण्याचे निर्देश दिले.

बैठकीत चर्चिलेले प्रमुख मुद्दे

जुन्या ट्रान्सफॉर्मरचे बदलणे

ओव्हरलोड लाईनचे डिव्हिजननुसार विभाजन

तात्काळ दुरुस्ती पथकांची नवीन नियुक्ती

वीजपुरवठा खंडित होण्यापूर्वी SMS/सूचना प्रणाली सुरू करणे

उच्च दाब व कमी दाबाच्या तक्रारींसाठी स्वतंत्र हेल्पलाइन

प्रभागनिहाय पायाभूत सुविधांचा तांत्रिक आढावा

गणेश पुजारींच्या हस्तक्षेपामुळे गती

माजी नगरसेवक गणेश पुजारी यांनी सोलापूरकरांच्या वीज समस्यांबाबत सातत्याने पाठपुरावा केल्यानेच ही बैठक तातडीने बोलावली गेली असल्याचे प्रशासनातील सूत्रांनी सांगितले. नागरिकांच्या दैनंदिन अडचणी लक्षात घेऊन त्यांनी केलेला पुढाकार कौतुकास्पद असल्याचे मत व्यक्त केले जात आहे.

वीज परिस्थितीत लवकरच सुधारणा होणार — आण्णासाहेबांचा विश्वास

बैठकीच्या शेवटी आण्णासाहेब बनसोडे यांनी खात्री व्यक्त केली की,
“सोलापूरमध्ये लवकरच वीज व्यवस्थापनात ठोस सुधारणा दिसून येईल. प्रशासनाला वेळेत काम करण्यास भाग पाडले जाईल. जनता हा आमचा केंद्रबिंदू आहे.”

या बैठकीस शहर जिल्हाध्यक्ष संतोष भाऊ पवार, कार्याध्यक्ष जुबेर भाई बागवान, प्रदेश उपाध्यक्ष किसन जाधव,प्रदेश उपाध्यक्ष आनंद चंदनशिवे,माजी परिवहन समिती सभापती आनंद मुस्तारे, माजी उपमहापौर प्रवीण डोंगरे, माजी नगरसेवक तौफिक शेख जनरल सेक्रेटरी प्रमोद भोसले ,सलीम पामा, इरफान शेख,शत्रुघ्न कांबळे , सामाजिक न्याय विभाग अध्यक्ष अनिल बनसोडे , VJNT सेल विभाग अध्यक्ष रुपेशकुमार भोसले, शहर सचिव दत्तात्रय बनसोडे, सोशल मीडिया शहराध्यक्ष वैभव गंगणे, वाहतूक सेल विभाग अध्यक्ष इरफान शेख, मध्य विधानसभा अध्यक्ष अल्मेहराज आबादीराजे, इरफान शेख शासकीय विभागातील अधिकारी कर्मचारी मोठ्या संख्येने उपस्थित होते…