नवीन प्रियकराच्या मदतीने जुन्या प्रियकराचा खून केल्याप्रकरणी तिघांची निर्दोष मुक्तता….

सोलापूर

दि:- लक्ष्मण येताळा व्हळगुंडे वय 45,रा:- औंढी ता मोहोळ जि. सोलापूर याचा खून केल्याप्रकरणी विकास रेवप्पा गावडे वय 29, सौरभ नागनाथ गावडे वय 19 दोघे राहणार वाघोली छाया आबासाहेब वाघमोडे वय 29 रा. कुरुल तालुका मोहोळ यांच्यावर भरलेल्या खटल्याची सुनावणी जिल्हा व सत्र न्यायाधीश श्री योगेश राणे यांच्यासमोर होऊन गुन्हा शाबित न झाल्याने सर्व आरोपींची निर्दोष मुक्तता केली.
यात हकीकत अशी की, यातील मयताचे आरोपी छाया हिच्याशी प्रेम संबंध होते, गेली सहा महिन्यापासून त्यांच्यात वाद होत होते. त्यामुळे छाया हिने मयतासोबत असलेले प्रेम संबंध बंद केले होते, त्यादरम्यान तिचे आरोपी सौरभ गावडे यांच्याबरोबर प्रेम संबंध जोडले होते परंतु मयत हा छाया हिचे ऐकत नव्हता व तिच्याकडे जात होता.
दि.19/03/2023 च्या मध्यरात्री आरोपी छाया वाघमोडे तिचा नवीन प्रियकर सौरभ गावडे व सौरभचा चुलत भाऊ विकास गावडे या तिघांनी मयत लक्ष्मण याचा खून करून त्याचे प्रेत रस्त्याच्या कडेला टाकून निघून गेले. घटनेबाबतची फिर्याद मयताचा भाऊ हरी येताळा व्हळगुंडे याने कामती पोलीस ठाणे येथे दिली होती. त्यावरून पोलिसांनी तपास करून आरोपींविरुद्ध दोषारोप पत्रक दाखल केले होते.

ॲड.मिलिंद थोबडे 
खटल्याच्या सुनावणीच्या वेळेस आरोपीचे वकील एडवोकेट मिलिंद थोबडे यांनी आपले युक्तीवादात आरोपींनी गुन्हा केल्याबाबतचा कोणताही ठोस असा पुरावा सरकार पक्षाने शाबित केला नसल्याने आरोपींनी गुन्हा केला असे म्हणता येणार नाही असा व्यक्तीवाद मांडला त्यावरून न्यायाधीशांनी तिन्ही आरोपींची निर्दोष मुक्तता केली.

*यात आरोपीतर्फे ऍड मिलिंद थोबडे, ऍड दत्ता गुंड, ऍड निशांत लोंढे यांनी तर सरकारतर्फे ऍड दत्ता पवार यांनी काम पाहिले.*